العيد المر،العيد المر

؟العيد المر
؟؟عبد خلف حمادة
؟!؟!؟!؟!؟!؟!؟!؟!؟!؟!؟
أ_يبو الخديد الوردتين أل ياعم،
تشبه طلوع الروح چلمةْ ياعم
مِن كثر ما ونيت چبدي مكشم
ماضل عرج بگليبي إلا سَكَّر
ب_من بعد عشرتنا و ذِيچ القصه
جاني قرار الزين هذا نصه
عمي صرت،واعطيك آخر فرصه
ووياك بس أسبوع حتى تفكر
ج_
إمَّا و رب الناس أنسى صوتي
گلبي يحسك واحد مِنْ خُوْتِي
أمر ن خرج عن طاقتي وعن قُوتي
مگدر أغشك يا مصخم أكثر
د_شلون آني أصدگ يخلص كلشي
و إنته السكنت الروح جوا رمشي
أهون علي اليوم فوتةْ نعشي
ولا أصدگ أنو ولفي دشر
ه‍_من بعد عام ن كامل ن تهجرني
وبيوم ميلادك عجب تقهرني
تاليها بعيد الفطر تزجرني
واني اللي جيت أعايدك يا أسمر
و_إنته اللي چنت صافي و كلك رقه
ومعاي كل اليوم دقه بدقه
خليتني شبه الأبو،ابنه عَقَّه
حتى منجي حَچِيِّك دغري تضجر
ح-كل الأيامين اللي چنت تحلفها
وتگول روحي غيرك ماوالفها
اليوم أنته قاصدن تنسفها
آكيد يا ولفي أنت تتقشمر
ط_لوِن شعورك صادق ن مثلي آني
ما تگدر ورب السما تنساني
الحب مهو ثوب نبدلو بالثاني
يجري مع الشريان ما يتودر
ي_يا سِحِر يا عين البشر صابتنا
يا إما العرضين أهل الفتنه
ما ضل أمل بعد الجرى وش أتنى
الموت أرحم من طعنات الخنجر
ك_ماريد عيد اللفى يدحمني
مر و غثيث الزاد تا يطعمني
أريد رب السما يرحمني
الگبر ولا فراگ حلو المنحر
!؟!؟!؟!؟!؟!؟!؟!؟!؟!؟!
مع تحيات الشاعر والكاتب عبد خلف حمادة